Tilefni til að blogga
Já eitt af aðaltilefnum til að blogga er auðvitað þegar maður á að vera að læra eins og núna, daginn fyrir lokapróf í sögu....!Það er bara ekki fyndið hvað ég á erfitt með að BYRJA að læra... Er síðan dugleg þegar ég bara loksins byrja. Hræðilegar afsakanir alltaf hreint.
Strax eftir skóla eða kl. 15:15 VARÐ ég nú bara að fara að kaupa mér peysu í staðinn fyrir að læra jájájá bráðnauðsynlegt. Síðan þegar ég kom heim langaði mig auðvitað svo hriiiiiikalega að fara í nýju peysuna og þá var auðvitað nauðsynlegt og hreinlega "tilvalið" að fara í sturtu áður en ég færi í nýju hreinu peysuna.....
Hófst ég síðan handa við að gera hina ýmsu tilgangslausu hluti eins og að naglalakka mig, búa um rúmið, taka pínu til ofl. ofl....
Jæja eftir þetta allt saman lallaði ég inn í herbergi... eitthvað vantar nú. Já. Ég get nú ekki farið að læra án þess að hafa nammi til að borða með þannig ég skrepp út í búð og kaupi nammi.... nammið er LÖNGU búið en ég er ekki enn farin að læra neineinei hvað er AÐ.
Ég þarf á námsskeiði í sjálfsstjórn að halda!
21. nóvember 2007 klukkan 16:41
Jónína Harpa Njálsdóttir
Jónína Harpa Njálsdóttir
